關嘉敏生日搞泳衣放題　黑白泳衣「事業心」重

憑《愛．回家之開心速遞》成功入屋嘅關嘉敏，尋日（24日）係佢29歲生日，見佢好大方咁喺社交網晒多張出海泳裝照，向粉絲大派福利，認真識做。早前自薦做「星女郎」，更獲周星馳有反應嘅佢，喺無綫發展劇接劇，早前先喺《逆天奇案2》同炎明熹有對手戲，依家生日自然就要回贈粉絲支持，以黑白連身泳裝上陣，晒出白滑心口及長腿，睇到網友流晒口水。