裝埋CCTV都冇用！區永權再遭惡鄰滋擾　高空投擲螺絲批

《東張西望》主持區永權多次受樓上單位高空擲物滋擾，事件持續超過1年，早前他向《東張》求助，其大廈管理處終於正視問題，安裝閉路電視作監控。本來以為惡鄰風波告一段落，豈料只維持了約兩個月，樓上單位故態復萌，區永權於社交網表示再受高空擲物滋擾，今次更投擲螺絲批、鐵圈、厚身金屬塊、螺絲釘等利器，非常危險。

區永權憶述情況，指家中工人姐姐險中招：「正當區太準備叫姐姐出露台收衫之際，突然聽到露台傳出巨響，遙遠張望一下，發現又天降異物，分別有螺絲批、鐵圈、厚身金屬塊、螺絲釘，甚至Temple紙巾！得來不易露台風平浪靜嘅日子，過咗兩個月咁就告吹，而今次仲要有螺絲批！」他指事發後已通知管理處及報案，又重申：「我並非『高空擲物界』KOL，亦都冇興趣做！不論你有心或無意，唔好再騷擾我哋！儘管你喺露台清潔又好，裝修都好，務必吩咐各仁兄小心處理物件或工具，切勿禍及無辜！」