港姐泳裝︱莊子璇旺到爆 抽中戴后冠預演攞冠軍
2023年08月26日 14:42
東網電視
更多新聞短片
![](/hk/bkn/cnt/entertainment/20230826/photo/bkn-20230826144222317-0826_00862_001_01p.jpg?20230826170528)
港姐決賽明晚(27日)舉行,今次一眾佳麗以泳裝見人,並進行投票票選友誼小姐,終由(8)姜依宁奪得。而比賽中由頭帶到尾嘅莊子璇,繼之前已率先攞走多個獎項,今日更被抽中試戴后冠,似乎預演攞港姐冠軍。
一直被視為三甲大熱的莊子璇抽中試戴后冠,為明天舉行的總決賽「攞頭彩」,可謂行運一條龍!而港姐互選之友誼小姐則由姜依宁奪得。今年港姐后冠以鑽石鑲嵌再配以紅寶石製造,冠、亞、季三個后冠總值300萬元。
而被抽中試戴后冠的莊子璇(Hilary),她稱知道有所謂后冠魔咒,即試戴之人難以奪冠:「不過我有做過資料蒐集,知道歷年來有兩位佳麗係打破咗呢個魔咒,咁就證明個魔咒係可以打破,我都可以有啲自信,聽日就係比賽,如果我依家都無信心就大鑊。」
另外,提到有讀者爆料指陳曉彤(Cindy)是金手指篤Hilary背脊,Cindy即時呼冤:「我好無辜,我真係冇做過,清者自清,問心無愧,Hilary都有畀段報道我睇。」Hilary稱之前見安排兩人一齊受訪都感到事有蹺蹊:「我畀段報道佢睇,我係安慰佢,臨近決賽就實有呢啲新聞。」Cindy補充指對方叫她集中比賽,不要理會是非。
講到Hilary在才藝表演上,人氣被其他佳麗爬頭,她坦言:「我下次會準備好啲,我做嘅時候覺得好,但拍出嚟發覺唔好。」