炎明熹想挑戰射箭發揮潛能　操肌準備開騷

「聲夢人氣王」炎明熹（Gigi）以活動大使出席港台「展翅青見超新星」活動，她指要追夢就要勇於嘗試，因不知道潛能會有多大，現在最想試的就是射箭：「我以前睇電視劇同動漫嗰陣覺得好型，但我覺得應該超級超級難。」謙說非一學就曉之人，需要時間去消化及領略。

將於10月假九展連開兩場處女騷的她開始健身，笑言身上最多脂肪，其教練望她肌肉變結實，以往食無定時，表演前食得少，但不用開工就開懷大食，令內臟脂肪不太健康，所以現被勸要進食要定時、均衡，戒油膩、煎炸和辛辣，不過她坦言不會食烚雞胸減肥。又透露9月開始會排舞，問可會學薛家燕跳《FLOWER》，她笑言：「有興趣，跳舞畀自己新感覺，雖然跳舞好難，不過冇嘢係容易。」

同場的林奕匡指自己的突破是在舞台感，唱歌可以被AI取代，但舞台表演就不能。近日為了健康勤做運動，變大隻後連西裝也不合身：「講過希望40歲係人生最Fit狀態，依家距離40歲仲有幾年時間，只會愈來愈Fit，依家胸圍大咗2吋。」