洪天明被洪金寶催生女：我唔打算再生！

藝人洪天明與太太周家蔚及兩名兒子今日（27日）出席活動，天明表示由於經常在內地工作，故甚少一家四口參與活動，問到可有機會聯同爸爸洪金寶三代同堂現身，他指爸爸向來低調，相信跟電影或孫兒有關才能打動他，又爆洪金寶對孫兒寵愛有加：「佢每日都會過嚟探孫仔，日日都問佢哋想食咩就買過嚟，做外賣仔。」他透露最近被父親催他生女：「佢之前同個細路女喺電影合作，聽到個小朋友叫佢做爺爺，佢好開心，所以想我生個孫女畀佢。」不過天明認為兩個已經夠晒數，坦言太太生肖屬豬，前幾年想生個豬女，但機會已過，故不打算再生，將生女責任交給弟弟。

提到之前天明亮相ViuTV節目被指是「奸細」，他反問自己是哪一邊奸細：「我同TVB喺6、7年前已經冇約，相信TVB唔會介意。」