吳若希愛女學校周年匯演　大讚有天分過阿媽

藝人吳若希（Jinny）昨日一家四口過澳門出席女兒Giselle學校的周年匯演，同場還有歌手陳柏宇和高浩正的小朋友，Jinny透露女兒有份上台表演芭蕾舞，她說：「我哋舉家過去，順道探吓老爺奶奶，爺爺嫲嫲又可以嚟睇騷。」她作為家長也應邀上台頒獎給自己小朋友和其他同學仔，獲學校頒發感謝狀。她指女兒個性好怕醜，今次可以在成千人面前表演，她覺得女兒好叻女：「我想畀滿分佢，但滿分就冇進步空間，畀98分呀！」

事後她又後抱住細仔Kylian受訪，Kylian表現乖巧，幫媽咪攞住個咪，細佬在台下睇表演OK嗎？她笑說：「細佬永遠都係keep（啟動）住粉絲mode（模式），OK嘅好有反應。」她指女兒好有跳舞天分，她笑說：「我個女依家跳舞好勁，佢有天分過佢阿媽，我都唔識跳舞嘅，佢跳舞姿體動作協條得好好。」當日她還帶女兒去玩室內跳傘運動，她笑說：「我發現原來小朋友大個咗冇咁細膽，家姐真係好叻，佢同我講好鍾意玩添，我依家大鑊啦，因為飛一轉都幾貴，準備破產。」