港姐︱4大司儀被批災難級表現　蕭正楠：始終我哋唔係AI

無綫4大「愛妻號」陳豪（阿Mo）、陳山聰、陳展鵬以及蕭正楠（阿蕭）為港姐擔任司儀，全程表現麻麻兼狂食螺絲，被不少網民批評是災難級冷場，而四人完騷後受訪，山聰亦直言「鬆晒」，談到四人成晚食螺絲，蕭正楠笑言：「仲可以食多啲，始終我哋唔係AI。」阿Mo則表示：「真係有做番新人嘅感覺，個心卜卜跳，好耐未試過咁緊張同咁大壓力。」

對於網民批評他們的表現屬「災難級」，阿蕭直言：「其實我哋收到呢個通知（做司儀），都係災難級，我哋一個星期前收到通知直到今日，都冇一齊綵排過。」山聰亦表示無辦法，今次是打天才波，阿Mo則指：「其實搵我哋四個都係好大膽嘅嘗試，如果慣咗睇大會司儀，可能會好唔慣，但如果鐘意幾個男主角形式去做，又會OK喎！同埋始終司儀唔係我哋專長，我哋新人嚟嘅。（出年會唔會再做？）藝人係要嘗試，如果量唔係太多嘅話，係可以嘅。」蕭正楠還指今次做司儀雖然是一日，但好似經歷了生死一樣：「一生人能夠做一次，已經好好喇。」