星馬天后激罕同框！許美靜退隱23年近況曝光

曾於90年代憑歌曲《明知故犯》紅遍華人地區嘅新加坡女歌手許美靜，更一度同張惠妹、王菲齊名撐起華語樂壇，可惜早年傳出佢因感情及身心問題後，鮮少亮相幕前。而日前隨着歌手蔡健雅更新社交網，退隱娛樂圈逾23年嘅許美靜亦激罕曝光近況，引嚟唔少粉絲驚喜留言外，同框嘅仲有馬來西亞天后梁靜茹及唱跳天后孫燕姿，陣容認真鼎盛。

4大女神激罕同框歎美食嘅畫面，亦令蔡健雅忍唔住開心寫道：「世紀難得的聚會。新馬選手們總得要拍照留念！開心！」而頭戴棕色冷帽嘅許美靜，雖然打扮低調樸素，不過都窌容滿臉對鏡頭比Ya，望落狀態相當唔錯外，亦引嚟唔少粉絲留言：「請好好照顧許美靜，太喜歡你們了，太溫暖了！」、「能活在有你們的年代裏好幸福！」、「這是甚麼神仙陣容？」、「世紀天后們的聚會！」