羅霖細仔情竇初開　識得揀混血美女做女友

藝人羅霖有三個兒子，大兒子、二兒子已經26、5歲，細仔都17歲，日前兩個兒子為她慶生，她在社交網分享照片，相中見到有位美少女，原來是細仔Jonathan的女朋友，羅霖攬住她當正自己人。羅霖表示細仔年底就18歲：「阿仔有女朋友梗係開心啦，因為通常女仔都比男仔成熟，女朋友講一句好過媽咪講100句，所以依家我都叫佢女朋友幫我話吓個仔喇，好似叫佢飲多啲水啦，食多啲菜生果呀。」

羅霖又指三個仔搵女朋友的品味都差不多，都是搵混血兒，她說：「二仔同細個都一樣，可能因為佢哋讀國際學校啦，我由細到大都叫佢哋搵女朋友，最緊要係心地善良和性格要好，外貌係其次。」