鄭俊弘「追女」不能停：如果再生仔會繼續追

歌手鄭俊弘（Fred）推出新歌《右搖左擺》，他表示今年不計劇集歌外，暫定會推出3首歌個人單曲，還計劃開騷：「2年冇新歌推出，歌迷都OK未走，打算11月搞個歌迷聚會，咁就10周年，因為通咗關，所以會搞大啲，外國歌迷可以返嚟參加，會做個騷咁囉。」至於何時開個唱？他亦謂公司有計劃，但確實日子未知。

問到已育有一子的他可會繼續造人？他恨到出口謂想生女，不過要太太何雁詩配合：「我梗係想，但太太想做吓音樂先，我都有問過中醫，好似話食肉有助生女，如果再生仔會繼續追，不過如果生3個都係仔就算數。」