披荊斬棘3︱鄭嘉穎傳被Foul　關智斌同林志穎拍住上

內地綜藝節目《披荊斬棘3》正進行得如火如荼，上星期已進行初次舞台表演，一眾哥哥勁歌熱舞，相當精彩，雖然節目仲未出街，不過網上已傳出淘汰名單，鄭嘉穎同許紹洋冇得留低，而淨剩低嘅香港代關智斌就會加入胡彥斌部落，與胡彥斌、陸毅、唐禹哲、林志穎、伯遠同魏巡繼續作戰落去。

適逢即將開學，42歲嘅關智斌大晒讀書時嘅學生相，睇到佢眉清目秀，有雙炯炯有神嘅大眼睛，個樣同依家冇咩點變，似食咗防腐劑一樣呀！