10号波吹袭！蔡卓妍豪宅入水冇觉瞓　陈家乐爱巢现“喷泉”

超强台风苏拉袭港，市面出现狂风暴雨、塌树及爆玻璃等惊险状况，但原来留守家中亦不代表没有意外！前晚悬挂10号风球后，蔡卓妍（阿Sa）、陈家乐夫妇及傅嘉莉等纷纷在社交网上载寓所“失守”漏水的景象，情况惨不忍睹，阿Sa的豪宅更顿时变水舞间！

阿Sa香闺的玻璃窗位置经不起狂风暴雨，不断涌入雨水，于是请家佣用多块毛巾及布块塞住窗罅，她急急发文：“屋企严重漏水举手区，个风好劲呀，大家小心，希望个地板冇事。”事后受访时说：“我唔喺香港，屋企得工人姐姐，好担心佢有危险，屋企嘅嘢事小，坏咗可以整过，系惊佢会整亲。”

由于雨水不停渗入，其家佣要不停用布抹水，大风时门窗更会自动打开，情况相当狼孭，阿Sa表示：“佢成晚冇瞓觉，我都担心到失眠，要不停同佢保持联络。今次个风真系好强劲，我啱啱先搬屋，所以系第一次喺新屋经历台风，依家有经验，以后知道点样做。”至于传以2千万购入跑马地两房单位的傅嘉莉，家中情况与阿Sa相若，她亦有在社交网分享情况，并标签了阿Sa。

而陈家乐与太太连诗雅4月拉埋天窗后才搬进新爱巢，前晚同样因渗水问题而冇觉好瞓，家乐边“抢救”边拍片上载至社交平台，见其家中落地窗窗框不断有雨水涌入，犹如“室内喷泉”﹗他表示：“睇嚟要准备全晚同佢死过，十号风球，有咩方法解决？”见他以大量毛巾试图解决雨水涌入的情况，但明显失效，连诗雅亦“求救”：“点搞呀？”家乐回覆：“唔使瞓。”

胶袋装水当沙包

家乐昨日受访时自爆瘀事：“最搞笑系我起初谂住可以趁打风专心打机，冇人骚扰，点知开始听到少少声，以为系风拍打玻璃嘅声，太太觉得有啲唔对路出去睇，一睇就知漏水喇！”发现“失守”后，夫妇即尝试不同方法“救灾”﹕“用毛巾、防水胶布塞住都冇用，好彩咁啱周家怡传条片畀我，佢话见到有人用胶袋装水，然后放窗边当沙包咁用，真系得喎！初时我都好担心，每隔15分钟去睇一次，两个钟后确保安全，先安心啲！”不少网民质疑为何他住新楼都严重渗水，他解释：“租楼时冇去验呢啲位，因为好少机会挂10号风球嘛，真系棋差一着。依家已经通知咗业主，佢会搵维修人员嚟整，好彩冇乜事，嗰个位附近我平日只用嚟放吓杂物，目前已经收起晒。”