George煙囪散出鏡　Marco為復仇額頭爆30粒瘡

組合P1X3L成員歐鎮灝（George）、葉振弘（Marco）於ViuTV原創劇《那年盛夏我們綻放如花》合作，兩人一向非常老友，今次於劇集中亦飾演一對好兄弟。其中有一場戲講到Marco到George家中過夜，George更以孖煙囪look亮相，他表示面對Marco完全零尷尬，因為二人本身實在太Friend！不過Marco就投訴George現實中未曾邀請過自己到他家做客，反而George已到過Marco家拜訪數次，George聞後笑言：「Marco屋企好大㗎，多啲人去都無所謂，我屋企比較細，所以唔係好方便囉！」

戲中，Marco痛失另一兄弟蔡承恩，竟打算進行偏激的復仇計劃，為了這場戲，Marco連續開工18小時，由於當中涉及不少打鬥場面，Marco全日不停跑來跑去，還要不斷大叫，難度超高，對此他表示：「可能係因為嗰日情緒長期處於高漲狀態，第二日發現額頭爆晒瘡，有成20幾30粒暗瘡，真係嚇親人！好彩最後過咗一個星期左右就差唔多好番晒！」