隋棠自爆搬家1年　爽晒廚房豪華裝修放閃

台灣藝人隋棠一家五口生活幸福美滿，而不時喺社交網分享湊仔經、夫妻相處之道等生活點滴嘅佢，早前亦透露道被住樓下嘅惡鄰居投訴，指控佢放任小朋友吵鬧，最後仲協商唔成搵埋執法部門及媒體投訴，而事後隋棠則喺社交網長文反擊，目前事件更進入司法程序。

雖然住得唔理想，不過此處不留人，自有留人處，日前隋棠亦喺社交網晒出新屋裝修，並寫道：「家中一隅。搬來新家一年，邊住着邊想着邊弄着，理想中的廚房，終於趨近於完成。」只見隋棠晒出嘅新屋裝修豪華又氣派，開放式廚房更有位置喺中間擺張大枱招呼朋友，整體望落明亮又寬敞，隋棠透露自己搬入嚟新屋將近一年，理想中嘅廚房亦終於完成，令佢忍唔住興奮道：「現在孩子晚上上床睡覺後，我最喜歡和先生坐在這裏的吧台聊天，他喝威士忌，我喝牛奶。」認真羨煞旁人。