「港版子瑜」區明妙Bra Top上陣影寫真　飽滿上圍包唔住

無綫小花區明妙（妙妙）樣靚身材正，一身鄰家女孩嘅氣質兼童星出道嘅身份，簡直可以話係唔少觀眾睇住大，有住極好嘅觀眾緣。而現年22歲嘅佢，亦似乎好想跳出少女角色嘅框架，轉戰成「反派專業戶」，並不時喺社交網賣大包派福利，近年仲同朋友組成女團「MORII GIRLS」，甚至為咗慶祝出道一周年，特地推出「MORII GIRLS 1ST SUMMER PHOTO BOOK」（夏日の企劃），睇嚟妙妙真係想做「港版周子瑜」，進軍女團界啵！

由區明妙、何榛綦及坂部佩莎等組成嘅女團「MORII GIRLS」，唔止還原跳韓國女團嘅熱門MV，即將推出嘅周年寫真集「夏日の企劃」中，成員亦以不同性感打扮上陣騷好身材，而Bra Top上陣嘅妙妙更喺搶盡眼球，飽滿上圍幾乎包唔住外，深長事業線更係充滿遐想空間，相信寫真集推出後會引起相當熱烈嘅回響。