超異能族︱趙寅成跟老人團遊吉林相翻Hit　麻甩Look曝光

改編自同名人氣網漫兼集合韓國人氣演員嘅《Moving超異能族》現正熱播，其中飾演蛋行特務嘅趙寅成，人氣更係水漲船高，同時節目更喺世界各地掀起極高討論度。不過，戲內飛簷走壁型到裂嘅趙寅成，戲外打扮其實都幾隨意，2018年曾同好友跟團去內地吉林旅行嘅佢，187cm嘅高度令佢係人群中仍然相當顯眼，而隨着節目爆紅，呢輯2018年影嘅相又再度備受關注。

2018年曝光嘅呢輯旅行相中，可以見到有趙寅成同藝人裴宗玉外，仲有《我們的藍調時光》（前譯：我們的藍調）嘅編劇盧熙京一齊同行，只見身穿導演贈送灰色背心嘅趙寅成，雖然頭戴Cap帽打扮低調又麻甩，不過187身高嘅佢仍然星味濃，一眼就畀唔少人認出巨星身份，而最搞笑嘅莫過於趙寅成毫無巨星架子，好聽導遊話咁掛住個旅遊團名牌，貼地表現笑暈唔少網友。

身為韓國要流男神嘅趙寅成，離奇出現喺桂林旅行團嘅畫面，亦引嚟唔少韓國網友笑道：「哥哥你怎麼在那裏？」、「真的是趙寅成嗎？」、「太好笑了！」、「瞬間覺得他好親民。」