游學修借牙痛暗寸情歌冇人明　搵許廷鏗客串MV本色演出

由演員游學修（NEO）、潘宗孝（ERN9）組成的男團N9推出全新洗腦式情歌《牙痛文學》，以新歌借愛情比喻牙痛，N9表示新作表面上是情歌一首，背後似在諷刺樂壇充斥着太多「冇人明」的情歌，NEO說：「每個人都有自己嘅解讀，我相信樂迷會有自己嘅諗法，我自己就唱得好有感覺。」

曾經直言唱歌好重要的NEO，透露加入娛樂圈多年，其實都只是為做歌手作準備，這次由他主唱，意義重大：「我準備咗咁耐，都係時候要畀大家聽到我嘅歌聲，我知自己向來唔係行開呢個路線，今次特別畀個驚喜大家，我選擇咗好認真、好深情咁演繹呢首歌。」ERN9亦大讚他的表現，認為N9的曲風就是如此多樣性：「要紅、要攞獎就唔應該局限自己，我哋係好認真做男團嘅，而情歌係男團好重要嘅元素。」

今次MV找來許廷鏗飾演牙醫，雖然牙醫是對方的本業，但這次是他首次於鏡頭前飾演牙醫，穿上醫生白袍的他輕鬆駕馭，對於有樂壇前輩答應為MV登場，N9表示衷心感激，女主角則找來早前為呂爵安歌曲《E先生愛人執照》拍攝的Shadow擔任。