王大陸肥腫難分攻擊韓粉眼球　櫻木花道紅髮驚嚇

台灣男星王大陸7年前憑電影《我的少女時代》紅到韓國，成為韓國粉絲心中嘅第一男神，估唔到尋日（5日）佢首次現身韓國首爾時裝周，竟忽然脹爆，肥腫難分咁現身大眾眼前，發水麵包般行嚟行去，令韓國粉絲驚呼大失所望！

只見以一頭Sharp醒紅髮、似足漫畫人物「櫻木花道」嘅王大陸，以一身「得罪造型師」Look現身，搭配藍白色寬直條紋西裝外套及牛仔褲、帆布鞋，型唔型就見仁見智，活動上仲同人氣BL劇《語意錯誤》主角、男團DKZ成員朴宰燦合照，面對白滑小鮮肉，王大陸更見腫脹。自知肥咗兩個碼嘅佢，亦急急拍片道歉，又笑問：「王大陸腫（「怎」普通話諧音）麼了？秀結束我就去減肥了！絕對不會照騙你的！」