羅子溢馬來西亞開工勁多friend　收粉絲應援車最爽

藝人羅子溢仍身在馬來西亞趕拍劇集《家族榮耀之繼承者》，預算月中「回歸」香港。上月底渡過39歲生日的他，回顧覺得這個生日相當難忘，兼且充滿回憶：「坦白講，入行咁耐，都真係未試過同咁多圈中朋友慶生，尤其正日嗰晚我收工好夜，估唔到余安安同張鳳妮呢啲『早瞓人』，出席飯局都肯等到我現身，陪我一齊吹蠟燭同切生日蛋糕。」

能夠工作中過生日，子溢坦言覺得好彩頭，而經過兩個月的出埠外景相處，一眾演員已建立深厚友誼，為他來說絕對是「另類收獲」。他又自爆：「當地粉絲仲租用咗架應援車，去到拍攝現場送驚喜畀我，供應我哋台前幕後飲品，大家都好開心。」