林俊傑抱B終公開新身份　「強勢攻韓」原因曝光

歌手林俊傑（JJ）最近現身韓國經紀公司HYBE娛樂大樓，先後同韓國爆紅女團NewJeans及一線男團SEVENTEEN中國成員JUN（文俊輝）合照，即被爆出疑進軍K-Pop界，同一班後輩鬥個你死我活！不過文俊輝就急急開Live澄清，指佢同JJ早前因為出席同一活動交換電話後，咁啱JJ抵韓約見面，臨時諗唔到公司附近咩好食嘅佢，就獲工作人員建議：「那還不如帶來公司，公司上面還可以喝咖啡，風景還特別好。」因而變成JJ「強勢攻韓」嘅誤會，食完飯JJ就走人。

而尋日（6日）JJ忽然公開新身份，晒出多張同林媽媽抱住BB嘅合照，宣布先生要做阿叔，因為佢阿哥阿嫂嘅B女出世：「我正式當叔叔了！林家新成員，小公主Charlotte！恭喜哥哥與大嫂，還為我們準備大餐，有家的味道！​​​」