姜濤台灣行蹤曝光　登陸《娛百》夢想達成

MIRROR人氣王姜濤近日懶理是非，飛到台灣宣傳新戲，抵台後行蹤曝光，原來佢第一站就係亮相夢寐以求嘅人氣綜藝節目《娛樂百分百》！姜濤出名係台灣舞王羅志祥嘅粉絲，更自小追看其主持節目《娛百》，雖然羅志祥現時暫別節目，但身為節目鐵粉嘅姜濤，難得有機會親自登上節目錄影廠，即表現興奮，於廠內繞場一周參觀，又拍片大玩三連拍，非常盡興。

其實姜濤前年為宣傳劇集《超感應學園》，都曾上過《娛百》，但當時因疫情關係未能親自到台灣錄影，只透過視像玩狼人殺，今次終於有機會親身同一眾主持、組合五堅情嘅陳零九、黃偉晉及小賴同框，即合照留念，唔少姜糖都為佢感開心，直呼夢想成真！