姚子羚「處女」直播帶貨　自爆最驚聽到呢3個字！

無綫花旦姚子羚早前憑劇集《一舞傾城》人氣再升，不但演技獲讚，弗爆身材同超靚皮膚更係無可挑剔！日前佢首度與帶貨女王ViVi合作開直播，介紹護膚品同時分享保養心得，吸引逾3千人同時在線收看直播，仲洗版式狂讚「姚子羚好靚」！對於首次直播帶貨，姚子羚表示好新鮮，但又坦言初時有啲擔心：「見到ViVi直播團隊的工作人員都好年青，都驚佢哋會同我講『我細細個就睇你做戲㗎喇，四葉草好好睇呀！』，不過其實我啲朋友有時都係咁講笑，自己都覺得四葉草係個好好回憶，而家都做唔番啦！」

期間，姚子羚又大談拍劇做打女嘅辛酸史：「係要時間練功，自己睇Playback （重放） 唔滿意會打到滿意為止。加上衣服造型好緊身，外景又曬又熱，好花體力，後尾係愈拍愈瘦，但自己喜歡做嘅野就唔覺攰。」