黑雨︱陳浚霆山頂豪宅都走唔甩水浸命運　停車場變泳池

喺無綫處境劇《愛．回家之開心速遞》中憑「風少」一角打響名堂嘅陳浚霆，戲內戲外都係富二代嘅佢，同富商爸爸兼繼母顧紀筠一齊住喺山頂豪宅，盡收180度維港無敵靚景，認真氣派。然而，日前受黑色暴雨影響，唔少地方都出現嚴重水浸嘅問題，甚至有唔少藝人冒住惡劣天氣外出救愛車，而家住山頂豪宅嘅陳浚霆，亦難逃愛車比水浸、涉水回家嘅命運，並喺社交網晒出屋企停車場浸晒水嘅影片，認真慘慘豬呀！