鍾嘉欣一家五口出海　女兒愈大愈靚獲推做未來華姐

藝人鍾嘉欣早前快閃回港搵銀，火速返加國照顧小朋友，近日佢哋一家五口出動，到海邊大玩水上活動，享受家庭樂。嘉欣網晒合照，見佢哋帶埋阿B出海遊船河，嘉欣除大玩水上電單車，大騷白滑長腿外，之後又孖老公、大女、二仔，4個人瞓上浮床，挑戰激流，玩得盡興。不過最亮點都係嗰張一家五口嘅全家福，見3個小朋友都神似爸爸，可見嘉欣老公基因太強大！而相中所見，鍾嘉欣愛女愈大愈靚，獲網民力推將繼承母親衣缽，甚有潛質他日成為《華姐》冠軍。