母親逝世　羅霖萬般不捨：我叫她安心離去

藝人羅霖今年6月表示母親證實患上末期肝癌，尋日（9日）佢貼出緊握病母手的照片，並寫道：「生老病死是每個人都要經歷的，但陪着至親至愛的媽媽面對這一切，過程還是很沉痛很沉痛的，感謝連日來慰問的所有親朋好友！」見臥在病床嘅羅媽媽手背插滿針管，令人心痛，羅霖亦表示媽媽仍作最後堅持中。

她接受東網訪問時表示：「我昨晚通宵陪伴我媽媽，我知道媽媽都撐得好辛苦，肝癌把她折磨得好厲害，昨晚通宵陪伴直到今朝5:30離世，萬般不捨都要一直在她耳邊叫她放心、安心，知道她最唔放心就係我和3個孫，護士叫我不停在她耳邊說叫她安心離去，怕她堅持得辛苦，雖然她已在昏迷狀態但眼角仍流下眼淚，真係揪心的痛，我媽咪兩年前在她81歲那年仍堅強做肝臟切除手術，當時佢同我講，佢想活多兩年，因為佢唔放心我和三個孫，我媽媽一直以來都係我精神上最大的支柱亦都係我嘅榜樣，沒有媽媽的鼓勵我支持我一個人帶着三個兒子也不可能撐到今天。」