容祖兒阿Sa劫後餘生　組「天后浴袍團」歎Spa慶祝

天后容祖兒（Joey）與好友蔡卓妍（阿Sa）日前同歷黑雨，Joey冒死火危險揸車送阿Sa回家，正所謂患難見真情，呢日佢哋兩位好姊妹「逃過一劫」後，相約去按摩慶祝，阿Sa網晒合照，見佢哋素顏示人，化身「浴袍團」大歎Spa，阿Sa表示：「趁我老友完成咗三十幾場show，同佢去放鬆吓。去間新spa見識吓，好靚呀呢度，一路按摩一路雞啄唔斷，點解我哋真係有咁多嘢講，講極都講唔完！」Joey亦笑指：「好似好耐無見咁，明明兩日前先共過患難。」