炎明熹初嘗性感裙底失守！無綫女童星愈大愈開放

今年《星光熠熠耀保良》唔止有亞洲舞王羅志祥壓軸登場，仲有炎明熹（Gigi）性感演出！條裙仔短到爆跳幾下舞就幾乎走光，一對大長腿確係好索，不過會唔會好蝕底呢？點知Gigi受訪竟然話接受性感低胸都得，明明以前好怕醜㗎，18歲成咗年果然唔同啲！仲有一班TVB女童星一樣變到你認唔出，唔少愈大愈性感。

大家對區明妙應該唔會陌生，事關佢2016年16歲先出道，近年嘅《青春不要臉》、《黯夜守護者》都有份。佢乖乖女形象深入民心，仲有個朵叫「御用學生妹」！

不過今時唔同往日啦，22歲嘅區明妙愈大愈性感，成日晒勁爆上圍，一班網民都話佢「禾稈冚珍珠」，最近仲孖住9位靚女KOL出寫真，大家都相當期待。

冼迪琦呢期都好紅，早排推出大尺度寫真，勁爆D cup睇到網民流晒鼻血！原來佢係07年《律政新人王II》做馬國明養女「辛家寶」位童星，足足拍過30套無綫劇，大家認唔認到先？眨吓眼竟然變到咁性感，堅係引死人大把前途！