世界級P圖︱Anson Lo美顏P到耳仔高咗連木板都變晒形

男團MIRROR人氣成員Anson Lo（盧瀚霆）自出道以來人氣逐漸飆升，深受粉絲喜愛。近日佢喺社交網晒出自己嘅靚相，一身黑色西裝造型嘅佢坐喺櫈上大擺型格甫士，並配文：「I’ve got my own ways.I stay in my own lane.I’ll just be me working hard as always.（我有我自己的想法。我會走我自己想走的路。我做我自己，一如既往地努力工作。）」粉絲紛紛留言大讚佢好有霸氣及會喺佢身後支持佢。

不過就有網民發現佢啲靚相有好明顯嘅P圖痕迹，仲要P到後面木板同埋枱腳都變晒形，又表示第一次見到佢嘅耳仔高過條眉，係咪連耳仔都P高咗，不禁感嘆道：「果然喺P圖教主。」該評論一出，即時引起其他人熱議，有網民更笑言：「一如既往地努力工作，喺咪指努力P圖呀。」