張致恒宣布做結紮手術　為一家六口負最大責任

藝人張致恒（Steven）雖然與老婆雯雯成為離婚界KOL，不過近日迎來了第4胎，今胎又係仔。Steven昨日(12日)突然在社交網預告有重大事情宣布，今日他終於揭曉謎底。

Steven寫道：「多謝大家一路以嚟畀我嘅意見、對我嘅支持同鼓勵，好榮幸可以做到四個小朋友嘅爸爸，見到第四個仔出世，諗番起呢幾年經歷咗好多嘢⋯為咗未來一家六口嘅生活，經過深思熟慮嘅思考，我決定進行結紮手術，為頭家負上最大責任。我已經聯絡咗一間日間手術中心安排做手術，詳細情形我會等手術之後同大家分享。謝謝大家。」隨即獲網民一致讚好和支持，短短十多分鐘已吸like近500，這可能是他人生中最值得支持的一次。有網民更大讚他：「真男人！」