Taylor Swift出席頒獎禮開心得滯唔見咗戒指上10萬鑽石

樂壇盛事《MTV音樂錄影帶頒獎禮》（VMA）雖然已舉行完畢，但餘波未了。今年掃走9個獎的「大贏家」樂壇天后Taylor Swift於頒獎禮上全程high爆，飲酒跳舞高呼樣樣齊，不過就因為樂極忘形而被電視台影到於頒獎禮期間發現戒指上的巨型鑽石唔見咗！

片段於網上瘋傳，遺失鑽石的Taylor露出驚嚇表情，而坐在她周圍的人士合力幫她尋找，有疑似保安更出動電筒為她尋找。據知她所配戴的戒指值1.2萬美元（約9.4萬港元），沒想到戒指上的鑽石這般「化學」可以甩丟。有指隻鑽戒並非Taylor擁有，是一間珠寶商贊助借給她於VMA上配戴，頒獎禮後翌日珠寶商向外透露剛收回隻戒指，並表示好容易及快捷修補，更搞笑地說：「呢個係一隻富傳奇嘅戒指之夜，Taylor Swift同時打破紀錄及整爛戒指。」

雖然痛失鑽石，但好多網民仍「幸災樂禍」於社交網搞笑留言，有網民說：「女神個表情太好笑，明明佢可以買幾百隻呢種鑽戒。」另有網民寸她：「恭喜Taylor得獎，鑽石唔見都唔緊要啦，哈哈！」