陳嘉桓同麥長青視察水災後情況同感難過

近日暴雨成災，藝人麥長青（麥包）以仁濟慈善大使身份聯同陳嘉桓（Rose）及仁濟副主席張文嘉前往上水虎地坳村視察災後情況，了解他們的困難及需要，並代表仁濟向災民送上緊急援助基金助居民解燃眉之急。

麥包表示小時候聽到打風落雨，都一定聽到梧桐河個名，今日親身來到梧桐河，聽到居民訴說的災情，深表難過，他說：「我哋去咗其中一戶受災嚴重嘅村民屋企，同佢一齊視察環境，當日個水位係高到去頸位，佢話當時全屋傢俬係浮起晒，消防員要破窗入屋救人，佢哋要喺腰間縛繩，否則會畀水流沖走。」Rose親眼目睹災民的家園一片頹垣敗瓦都替他們感到難過，她覺得今次能夠親身去到災區探訪向災民送上問候非常有意義。