蘇皓兒「嘩」樣都要練　狂Sell自己恨拍喜劇

「宅男女神」蘇皓兒（Chloe）日前為信用卡廣告進行拍攝，她放下女神形象，要以挈大口大叫「嘩」的浮誇表情拍攝，喜感十足！事前Chloe在家苦練「嘩」的表情，拍攝當日更要挈大口拍足12小時，她說：「因為個廣告偏向日系浮誇，同以往拍嘅廣告風格好唔同，最初知道呢個概念時，都驚自己處理得唔夠好，最驚觀眾唔認得自己，好彩最後出嚟效果好好，甚至有觀眾私訊我，話呢個風格好趣怪，好適合我添！」

而向來鮮有拍喜劇的Chloe今次初嘗搞笑角色，她自言感覺新鮮，並希望將來有機會參與喜劇演出：「我好少拍喜劇，希望自己可以涉獵唔同類型嘅角色，包括喜劇，因為自己都冇乜包袱，所以好想嘗試吓。」