鄧紫棋新Look被彈老土　突飄嬸味望落老10年

「宇宙巨肺」鄧紫棋（G.E.M.）向來童顏，現年32歲嘅佢望落比真實年齡後生10年，似20出頭，不過最近佢換上劉海新髮型，即時變得成熟，近日佢亮相內地節目《時光音樂會》，相隔多年再次翻唱Beyond嘅《情人》，當年佢參加《我是歌手2》憑此曲爆紅，如今再度獻唱，勾起經典回憶。但其造型就似乎評價一般，上身泥黃色花紋上衣，下半身配淡紅色透紗碎花裙，望落似足窗簾布，即被網民彈老土，仲話望落老咗10年，但仍有網民指成熟風格更貼近G.E.M.嘅真實年齡。