鹿晗連續7年為女友慶生　關曉彤26歲仲未嫁得出

內地男星鹿晗同關曉彤喺2017年宣布拍拖，當時佢兩個官宣曾一度令到社交網癱瘓。二人拍拖7年，鹿晗今日（17日）凌晨再次準時為愛人發慶生文，亦係佢連續7年為女友出post，而關曉彤今日26歲正日生日，就晒出大批疑似男友視角嘅單人靚相，雖然收起大長腿，但勝在仍然青春可愛，又夠晒甜美，即令網友聯想到啲相係咪鹿晗操刀。

不過網友更關心嘅係，二人拍拖已達7年之癢，鹿晗遲遲未肯宣布娶關曉彤，粉絲好怕女神會癡心錯付，犧牲7年最美好青春，過多幾年更已三十而立，係咁留言催鹿晗做男人應該做嘅事，快啲同佢拉埋天窗。