昆凌「秘撈」賣煎餅　遇劉畊宏踩場劈炮唔做

台灣藝人劉畊宏不時喺社交網分享健身操外，圈內有住好人緣嘅佢，亦經常邀請其他藝人做直播嘉賓。而日前，劉畊宏更喺社交網晒出一段影片，寫道：「這煎餅果子的老闆娘有點面熟？」只見劉畊宏先係熱情咁上前同老闆娘打招呼落單，隨着外形亮眼嘅老闆娘抬頭，竟然係天王周杰倫嘅老婆昆凌喺度「秘撈」，而劉畊宏則一臉正經咁嗌離奇配料：「馬錢子、決明子、蒼耳子，還有蓮子。」離譜要求令昆凌哭笑不得之餘，仲直接搖頭拒絕道：「做不了，你自己來弄！」搞笑互動亦引嚟唔少網友留言道：「讓她老公『粥餅倫』（周杰倫）過來做！」、「這位美女好眼熟呀！劉教練幫忙要個簽名！」

另昆凌近日陪周杰倫打網球，並晒出夫妻恩愛合照。