顧定軒配合首個音樂會　火速炮製3首歌

藝人顧定軒（Zeno）日前舉行首個個人音樂會，圈中好友蘇皓兒、陳葦璇、袁澧林等捧場，為了配合音樂會，他一個月內超額完成3首歌錄音，搞到聲帶發炎要食抗生素同打針，雖然帶病上陣，但他唱足120分鐘，邀請了靚聲歌手謝芊彤及「校花」泰妹一齊載歌載舞，唱出組合Cookies的《一擊即中》及李逸朗、蔣雅文的《懶醒》，大玩經典Y2K集體回憶。

Zeno又唱出剛推出的EP內兩首新歌《行動代號0901》和《羅曼蒂克！》，他講述EP概念是以校園作背景，帶出一個熱血青年向新學年所經歷的新事情，由開學到暗戀及去到表白羅曼蒂克的故事，穿着背心球衣從人群中出場，他一口氣連唱幾首情歌，眼紅紅的他帶大家一齊回到校園戀愛史。

之後他唱出有份參與作曲的《教我》，因台下粉絲跟他全場大合唱，令他終於忍不住留下男兒淚，他說：「只要你哋肯聽，我都會唔怕辛苦，努力向台上唱歌比你哋聽。」有歌迷大叫：「你得架！等你拍戲！支持你！」