丘靜雯過大禮勁誇張　金器果籃多到要5個壯漢搬

有「最靚女主播」美名嘅丘靜雯（Nicole），去年接受咗男友求婚嘅佢，今年4月公開童話級婚紗靚相後，近日亦終於嚟到傳統過大禮環節，而為咗氹得長輩開心，Nicole嘅準老公亦準備充足，金器、果籃及山珍海味等統統到位外，排場仲誇張到要4位壯漢幫手搬，認真架勢！

Nicole透露因為屋企第一次嫁女，父母都相當興奮外，賀禮更係多到連枱都擺唔晒，誇張程度更從地下疊到差唔多同Nicole一樣咁高，同賀禮影相留念嘅Nicole更直言要踩櫈仔先影到。另外，Nicole亦表示雖然全家人都唔捨得佢出嫁，不過都有送上祝福，甚至連屋企隻愛貓忍唔住嚟湊熱鬧，不斷攝鏡搶Fo，認真可愛呀！