同朱凌化老妝出鏡　葉蒨文最鍾意扮嘢大嘆好玩

葉蒨文（Sophie）與吳偉豪在無綫處境劇《愛．回家之開心速遞》中戀情似乎明朗化，戲中兩人更「白頭到老」以老妝示人。第一次化老人妝的她說：「好好玩，平時最鍾意扮嘢，鍾意拍《愛．回家》因為成日啲劇情都可以試唔同嘢，有時唔止可以跨越年紀，仲可以喺某啲幻想畫面入面，試少少其他造型、性格或者職業。《愛．回家》可以滿足一下表演慾，又可以比自己體驗多啲唔同嘅嘢。」

吳偉豪戲中「勉為其難」接受葉蒨文的愛意，傷透葉蒨文，認真抵摑，她說：「打朱凌凌嗰一巴，拍咗三個角度，每個角度一take過，睇落好似好大力，但係其實摑嗰陣都有就住力，好似拍手掌都可以好響，唔需要好大力，所以都係要問返朱凌凌先知有幾痛。」