34C雪乳張雅涵自爆胸前紋身來歷　求學時期飽受欺凌

台灣啦啦隊「樂天女孩」成員張雅涵，出名氣質美女嘅佢，唔止有着34C傲人雪乳及苗條好身材，唱得又跳得嘅佢，更因喺電視劇出演「蘭花精」一角被「封神」。而日前，受邀上隊友琳妲網絡頻道受訪嘅佢，則罕見地分享胸前紋身來歷，直言自己中學就讀美容相關嘅學科，因為樣貌出眾、成績優異及高冷安靜嘅性感，竟然畀同學妒忌排擠，甚至畀人拉埋入群組當面侮辱，好彩堅強嘅佢選擇將對話截圖，並向老師們反應事件求助，經過老師嘅介入周旋，同學先終於停止欺凌，有見及此，張雅涵決定喺左胸紋上蒲公英同埋自己嘅英文名，時刻提醒自己必須勇敢。

另外，張雅涵亦透露出身自單親家庭嘅佢，雖然係嫲嫲一手湊大，不過由於重男輕女嘅傳統觀念，令佢嘅童年缺乏愛之餘，仲飽受欺凌，導致佢性格內向。而隨着張雅涵嘅真情剖白，亦引嚟唔少網友留言道：「堅強又有想法的好女孩！」、「那些能撐過來的心境都會很強大！」、「看到你進入樂天愈來愈開朗，真心為你感到開心！」、「希望你能有幸福美滿的家庭！」網友嘅暖心支持，認真甜入心頭呀！