黃曉明罕談湊仔經　自豪小海綿生得似自己

內地影帝黃曉明最近於美食真人騷《中餐廳》第七季中，罕有提起佢嘅湊仔經驗，同前妻Angelababy育有一子「小海綿」嘅佢，今次就同同係為人父母嘅台灣藝人趙又廷、賈靜雯吹水，大方公開小海綿嘅長相同性格，破天荒不斷描述阿仔：「我兒子長得像我，性格像媽媽。」又爆料指小海綿好曳曳：「我小時候是屬於那種乖到就是別人會以為我是女孩那種，然後我的兒子跟我很像，但是他簡直皮得就是上了天了。」

趙又廷就再三問佢小海綿長相係咪真係似爸爸，因為普遍仔仔都會似媽媽，趙又廷仲苦惱：「兒子不是像媽媽嗎？為甚麼我女兒那麼像我？我多麼希望她像她媽！」而黃曉明就回答可能係遺傳基因唔一樣。雖然至今小海綿都冇公開真面目，不過佢同Baby都曾失手令阿仔個靚樣疑似曝光。