胡歌一家三口三亞Happy　愛女嬌妻終於曝光！

內地男神胡歌今年初宣布已婚兼已育有一女「小茉莉」，外界一直盛傳佢太太係其執行經理人黃曦寧，不過佢就想低調家事，至今仍未有公開親人外貌及資訊等，保密工夫做到足。不過近日有網友就話喺三亞偶遇胡歌一家三口，相中阿女小茉莉瞓喺BB車入面，未夠1歲就有得同daddy mammy出遠門，而胡歌就同黃曦寧滿臉笑容咁望實愛女，畫面無比溫馨，而且胡歌仲非常平易近人，有路人上前要求合照都來者不拒，仲要到四萬咁口，同平時chok爆嘅高冷形象完全唔同晒，真係有女萬事足！