JPEX案︱莊思敏自認黑仔 生意投資全線冚旗

2023年09月23日 22:40
東網電視
更多新聞短片
虛擬資產交易平台JPEX風波愈鬧愈大,娛樂圈亦廣受牽連,男星張智霖、藝人莊思敏、玄學家陳定幫等先後到署助查。當中被封「商界燈神」的莊思敏亦是受害者,今日(23日)她受訪時自認黑仔,並徵求高人指點化解。見過鬼怕黑的她,揚言暫不會再作任何投資,呼籲所有保險從業員不用聯絡她。
莊思敏最近捲入JPEX風波,曾拍片宣傳該平台的她自言也是苦主之一,損失高達50萬元,本月21日晚,她由馬來西亞返港後,立刻前往灣仔執法部門協助調查至凌晨。今日東網收到消息,她應邀參與觀塘一個慈善活動,下午2時許,她以粉紅外套配短褲到場,透露日前到馬來西亞是為母親慶祝生日,問有否因風波而影響心情?她坦言:「有少少影響心情,但唔係太大問題。(家人有冇擔心?)大家知道一定冇問題,所以唔係太擔心。」又否認因案件而提早返港:「都係照計劃,因為之前叫咗律師盡快處理,係預約咗呢段時間。(使唔使再去助查?)冇,呢件事冇回應。(擔唔擔心受波及?)唔擔心。」
以後小心接Job
莊思敏表示今次是人生首度遇上類似事件,自認倒楣:「最近可能有啲黑仔,不過今年就快過,唔緊要。(搵師傅化解?)有冇相熟介紹?我要搜羅吓!(近年不宜搞生意?)我近排都唔會搞生意同投資,都係努力工作啦!」身為苦主的她已就此備案,問手上有否持有其他加密貨幣?她說:「持有6位數。(擔唔擔心今次風波影響加密貨幣價格?)所有投資都有風險,買外匯都有上落,要慢慢再睇,唔知大環境點,都冇得擔心,各安天命。(網上投資小心?)做番啲定期儲蓄先,基金都唔買,所有保險從業員唔使打畀我,我要努力工作。」她揚言以後接洽工作及廣告會更小心,幸好其他工作未受事件影響,稍後會到內地拍攝及主持直播平台。
林作自誇多人撐
另外,捲入JPEX風波、涉嫌「串謀詐騙」被捕的林作,保釋後於昨日召開記者會,他之後在社交網連出多條貼文,其中一條是向母親道歉:「我在這裏誠心向自己母親道歉。對不起,令你擔心了。」其餘都是網民撐他的言論,他說:「很感動許多網民很有心地打文給我,我全部都看了。」不過,數量卻抵不過在其社交網留負評的網民。
而另一位就案件到執法部門助查的玄學家陳定幫,昨晚透過工作室發聲明:「由於已將此事交予律師處理,本人不會再就此事作出任何回應。本人藉此機會感謝大家的關心和慰問。特此嚴正要求,任何人士發布或轉載不實報道,本人將對此保留一切法律追究權利。」