AGA未婚夫鄭子邦自揭身家過億　罕談發迹血淚史

歌手AGA（江海迦）早前驚爆與姚子羚前男友、「的士邦」鄭子邦訂婚，成為全城熱話，身家過億嘅鄭子邦近日罕有拍片分享致富之道，佢以「關於我是怎麽做到億元資產」為題大談創業史，透露年輕時原本報讀咗北京電影學院，但父親因心臟病去世而接手車行，並花咗1年時間將20架的士，擴充至百架的士，惟撞正2003年沙士疫情，的士牌價大跌，淪為負資產，買落嘅房產仲未供完，每個月就要還過百萬貸款，佢話：「當時我就發誓，我一定會用心經營車行，讓家人過上好更好的生活。」之後佢就以薄利多銷手法，出高價吸引的士車主加盟，並再經車行將的士出租賺取差額，同時趁低吸納多個的士牌，終成功打造「的士王國」！