Tim@Dear Jane與陳蕾是非纏身　出活動謝絕採訪變羅生門

同屬華納唱片旗下的歌手陳蕾、張蔓姿，以及樂隊Dear Jane及Zpecial今晚原定於西九文化區開騷，各大媒體都分別接獲通告，時間、人物及地點全齊，豈料依時探訪卻慘食閉門羹！

記者陸續到場後，有公關步出口快快指稱「因為有藝人發生咗啲事，所以唔方便做採訪」，雖未有指名道姓，但「陳蕾分手」或疑似「Dear Jane 成員Tim為何泳芍拍照」的新聞有關。

及後華納代表May與活動負責人Terry現身，前者怒氣匆匆說：「唔關我哋事，你哋叫佢交代！」然後轉身離場，而Terry則指媒體所得的通告，並非正式邀請函：「如果係我哋會Confirm你哋。（我哋平日接通告就照去。）咁我唔知啦，今晚係私人活動，所以我哋同唱片公司溝通之後，覺得唔適合做訪問，一早已有決定嘅。（唱片公司同藝人唔想做訪問？）唔關事。」