唐詩詠偏心到出面　親手為愛貓打造安樂窩

藝人唐詩詠最近開了學習mode（模式），除了學整果撻、蛋撻、蝴蝶酥，之前仲過日本學整麵包，她表示好喜歡學習的感覺，最新她去學編織，因為家中有三隻愛貓的她，想為貓貓整個安樂窩，她在社交網分享其自家製的作品，寫道：「整咗個袋畀自己，整咗張床畀啲貓，今次受惠嘅係Bao Bao（包包），因為第一次整，個size偏細咗，我並唔係偏心呀，你哋唔好話我，多謝老師嘅耐性，同一條問題，我問咗超過六次，老師仍然悉心教導，今日唔敢再挑戰老師嘅耐性，我返屋企練吓先。」

見到親手造的製成品，詩詠形容是其心血，閨蜜黃翠如即刻留言：「我又去學。」雖然她口話唔偏心，但粉絲笑她擺明偏心，她解釋：「咁啱啫。」但她另一隻貓仔銀仔第一時間就霸佔了包包的編織床，相當搞笑。