煙花夜繽紛 搵個靚位邊食邊睇
2023年09月26日 14:00
東網電視
更多新聞短片
![](/hk/bkn/cnt/entertainment/20230926/photo/bkn-20230926140021817-0926_00862_001_01p.jpg?20230926140021)
相隔幾年,國慶煙花再現香港,各大餐廳把握機會,即趁機會推出主題套餐,在美食美景下,邊食邊欣賞璀璨煙花,唔使同人迫,又有好嘢食,真係好繽紛。
割烹滋味
在高空欣賞煙花,視覺效果滿滿。上環日式割烹料理「和緣」推出10.1限定的套餐,極尚時令刺身有野生吞拿魚、海膽和蝦,配紅茶頭芥辣泡沫和紫菜天婦羅,鮮雞腿肉配北海道豆乳和竹笙,之後有關東遼參配南非鮑魚、大閘蟹釜飯、流心花膠天婦羅、鱈場蟹及和牛舌等菜式,位於29樓的餐廳可270度飽覽維港景,高空眺望一目了然。9月24日前訂座,可享全單85折。
維港旁開Party
10月1日當晚,維港兩旁應擠滿遊人,想舒舒服服慢慢欣賞都有計。Woolly Pig Hong Kong在尖沙咀2間餐廳鄰近維港,澳洲餐廳Hue Dining於當晚推出4道菜閃亮煙花晚市套餐,客人先享用和牛他他撻和墨汁Oreo作餐前小點,前菜可選北海道帶子刺身、慢煮伊比利亞豬頸肉或雜菌西米脆餅,主菜有法國藍龍蝦、黑安格斯西冷配牛面頰肉或意大利Burrata水牛芝士餃子,最後以期間限定的士多啤梨煙花蛋糕作結。另一間INK Cafe於當晚推出煙花派對,包括有2杯飲品和各式美食,如粟米芫荽炸餡餅、蝦多士和香茅豬腩肉刈包等,到時還有DJ表演,強勁音樂下賞煙花更有Feel。
現場音樂配襯
每年的煙花表演,都會有精挑細選的音樂作配搭。尖沙咀香港喜來登酒店於10月1日頂樓的餐廳推出國慶煙花節慶餐廳,蠔酒吧供應國慶慶典5道菜晚餐包括有時令生蠔,頭盤有牡丹蝦配魚子醬或大吞拿魚他他,緊接是香煎鴨肝或龍蝦濃湯,主菜可選炭燒美國和牛西冷或香煎鱸魚,最後以芝士拼盤或伯爵茶朱古力蛋糕作結。視佳廊推出的國慶醇釀佳餚之選,會有時令美國及法國生蠔和芝士冷肉火腿拼盤,客人可按喜好配香檳、紅酒或白酒,邊飲邊看煙花。為了讓客人更投入,2間餐廳會於當晚9時轉播匯演現場背景音樂,氣氛更高漲。
高級餐飲
想和最愛親友或伴侶盛裝地欣賞煙花,一樣無難度。香港麗晶酒店多間餐廳都可面對無敵維港景,於國慶煙花當晚,為客人提供高質美食。想輕鬆Chill住歎,大堂酒廊供應二人精美晚餐,菜式有三文魚Carpaccio、脆皮、雞肉串、烤鱸魚或安格斯里脊肉等,樓高3層的多面落地大玻璃窗,每個角度都可以看得到煙花。The Steak House會提供5道菜晚餐,有多款靚牛扒選擇。米芝蓮二星中菜廳麗晶軒則有8道菜晚餐,包括大閘蟹粉龍蝦、蠔皇原隻四頭鮑魚扣遼參等。2間餐廳設有戶外長廊,到時會邀請賓客出外欣賞煙花匯演,唔使迫又可近距離欣賞,最令人滿意。