鄧超一招抗抑鬱　甜賀孫儷牛一竟衰喺呢點！

內地影星鄧超同太太孫儷感情超好，如膠似漆嘅二人一直互相扶持，早前鄧超被傳患上抑鬱症，雖然兩公婆都未有提及此事，今日（26日）係孫儷41歲生日正日，鄧超亦繼續公開放閃，將自己抑鬱一事拋諸腦後，愛妻大過天！

佢準時喺今日9月26日用電話cap圖9點26分，當做賀禮咁送畀太太，不過佢就遲咗一分鐘upload上社交網，「遲晒大到」嘅佢就話本身想上載時，咁啱就有好幾個message彈出，先會搞成咁。鬼咁自責嘅佢好在都得到大班網民安慰，同時又發現佢自揭電話lock screen背景，係一對仔女畫嘅全家福，真係幸福到爆。