關楓馨懶理紋身男友負評纏身　出80萬名車送機公然纏綿

關禮傑大女關楓馨去年承認與外籍男友分手，並認愛紋身男。當時佢表示與對方剛開始戀情，希望外界給予空間，惟消息曝光後，紋身男即被起底，原來係曾參加ViuTV真人騷《慳D啦Honey》嘅舞蹈員Tommy，由於佢喺節目完結後同當時女友分手，之後有新戀情又傳偷食，而被封「世紀壞男」。不過關楓馨未有理會負評，近日被拍得繼續同紋身男拍拖，日前佢出動爸爸送贈嘅80萬名車送男友機，見佢將名車交由紋身男駕駛前往機場，到達後紋身男取出行李，2人臨別依依，男方更忍唔住嘟起嘴唇，錫女友面珠，關楓馨亦將男友攬到實，相當冤氣。