Alton@MIRROR首度開腔　回應後援會解散風波

MIRROR成員Alton（王智德）粉絲後援會近日突然宣布解散，將於本月（9月）30日停止營運，惹起外間揣測聲音不斷，而佢昨日現身機場出發到澳洲拍攝綜藝節目，都未有受訪回應事件。現時已到埗嘅佢，呢日終於首度開腔回應Fans Club解散風波，佢喺社交網發文：「近日唔喺香港工作，將投入拍攝。而最近嘅事情，希望大家畀啲空間，相信FC好快會搵到合適嘅方向！」似乎透露後援會仍有機會「翻生」，大派定心丸。