Lisa「19禁」騷尺度太大　Baby張嘉倪爭住入場惹爭議

韓國爆紅女團BLACK PINK泰籍成員Lisa於法國巴黎大尺度「19禁」歌舞騷擔任表演嘉賓，首場表演於當地時間9月28日正式開鑼，隊友Jisoo、Rosé、其緋聞男友、世界首富Bernard Arnault三兒子Frederic Arnault家族到場支持。有指Lisa今次表演尺度未到赤裸程度，不過仍脫剩內衣及丁字褲。

共演出6場嘅Lisa，雖然入場門檻高，第二場騷仍然多人爭入場睇，適逢巴黎時裝周，當中就有內地女星Angelababy及張嘉倪現身騷場，二人疑似獲邀睇騷，即刻引起熱議。張嘉倪以全黑裝扮現身，仲停留喺門口不斷自拍及同人合照，Baby就畀人影到夜晚由門口上車一刻，佢本身亦係BLACK PINK粉絲。

其實今次Lisa「19禁」騷備受爭議，今次Baby同張嘉倪現身，即被網友鬧爆鼓吹不良風氣，更有人要求封殺二人。